राष्ट्रिय ध्वजाबाहक एयरलाइन्समा घर फर्किने सपना पूरा गराउनेछु: सुनिल

समाचार

Home
समाचार
राष्ट्रिय ध्वजाबाहक एयरलाइन्समा घर फर्किने सपना पूरा गराउनेछु: सुनिल

राष्ट्रिय ध्वजाबाहक एयरलाइन्समा घर फर्किने सपना पूरा गराउनेछु: सुनिल

यही जुलाईको अन्त्यमा सम्पन्न हुन लागेको गैर आवासीय नेपाली संघ ( एनआरएनए ) को नवौं राष्ट्रिय अधिवेशनमा सुनिल कन्दङ्वा लिम्बूले उपाध्यक्ष पदमा उम्मेद्वार दिएका छन् ।

वर्तमान कार्यसमितिको सहकोषाध्यक्षको जिम्मेवारीमा रही संघलाई नजिकबाट बुझेका लिम्बूले काठमाडौदेखि सीधै कोरीयाको उडानमा नेपाली राष्ट्रिय ध्वजाबाहक नेपाल एयरलाईन्सको सेवा सुरु गराउन पहल गर्ने प्रतिबद्दता जनाएका छन् ।

आफू कोरिया आउँदा नेपालदेखि हङ्कङको पट्यारलाग्दो ट्रान्जिटको ब्यथा कहिल्यै नभुलेको र कोरियामा रहने आम नेपाली दाजुभाई दिदिबहिनीहरुको आफ्नो जस्तै पीडा भएकोले यसलाई जति सक्दो छिटो कार्यन्वयन गताउन आफ्नो पहिलो प्राथमिकता रहेको उनले बताएका छन् ।

पढाईमा अब्बल सुनिल स्कुलदेखी नै कक्षामा प्रथम हुँदै अघि बढ्ने एक मिजासिलो, मिहेनती र जिम्मेवार युवा भएको उनका साथीहरु बताउँछन् । एमबीएको तयारी गर्दै थिए त्यही बेला तत्कालिन मेगा बैंको जागिर खाने सोचमा विभिन्न चरणको परीक्षा पास गरेर अन्तिम फाइनल अन्तरवार्तालाई छाडेर कोरिया हानिएका हुन् सुनिल ।

सन् २०१२ मा उनी कोरिया पुगेका हुन् । एनआरएनएमा भ्रष्टाचार छ भन्ने गुनासो नसुनिएको होइन तर ती सबै निराधार हल्ला मात्र हो भन्ने कुरा आफू सहकोषाध्यक्ष भएर नजिकबाट बुझेको बताउँछन् । र , हरेक आय ब्ययको हिसाब दुरुस्त राख्ने आफुले पाएको उनी बताउँछन् ।

कोरियामा रहेका सबै नेपालीको भावनालाई उच्च सम्मान गर्दै हरेक दु:ख सुखमा आफ्नो साथ रहने प्रतिवद्दता गर्दै आफूलाई विजयी गराउन उनले अपिल गरेका छन् ।

प्रकाशित मिति: सोमबार, साउन १, २०८० १७:१९

प्रतिक्रिया दिनुहोस्